Azpeitiko Argazki Elkartea urteko aurreneko argazki rallya izango dena antolatzeko lanetan hasia da. V. Gau-Txori Argazki Rallya, gauez egiten dena, izango da argazkilaritza zaleentzako lehen hitzordua, otsailaren 22an. Izena emateko epea zabalik dago: otsailaren 20a baino lehen, argazkiakaae@hotmail.com helbidera idatzita egin behar da izen-ematea.
Memoria-txarteldun argazki kamera digitala duen edonork hartu dezake parte Gau-Txori rallyan. Izena ematearen truke 5 euro ordaindi behar dira; edota 15 euro, inskripzioarekin batera afaritarako txartela ere nahi izanez gero. Ordainketak rallyaren egunean bertan egingo dira, Azpeitiko Argazki Elkartearen egoitzan, 18:00etatik 19:00etara.
V. Gau-Txori Argazki Rallya Herriz Herri txapelketarako puntuagarria izango da.
Otsailaren 22ko rallyaren gaineko informazio gehiago nahi duenak, Azpeitiko Argazki Elkartearen webgunean ditu oinarriak.