Inauteriak gainean direla gogoraraztera atera dira kalera, urtero bezala, Kaldereroak. Gaur, otsailak 22, kalejira koloretsu bezain jendetsuan ibili dira arratsean Azpeitiko erdigunean. Zartaginei mailuekin eraginez, Musika Banda eta Juan Antxieta Musika Eskolakoak tartean zirela, ohiko musikak jo eta abestu dituzte. Kalejira amaitzeko herriko plazan egin dute azken geldiunea -bideoan, Kaldereroen konpartsa plazara sartzen-, han elkartutako ikusleen aurrean errepertorio osoa eskaintzeko.