Jabier Altuna Kanpaxa azpeitiarra EAJko Gipuzkoako Batzar Nagusietako kide izendatu dute, alderdi bereko Aintzane Oiarbide bergararraren ordez. Batzar Nagusietako Euskara nahiz Kultura, Gazteria eta Kirol batzordeetan hartuko du parte azpeitiarrak.
Altuna Geografia eta Historian lizentziatua eta filologia eta ingeles gramatikan espezializatua da. Egun Donostiako ikastetxe bateko irakaslea da. Azpeitiko udalean zinegotzi izana da bi legealditan, 2003tik 2011ra bitartean.