Gaur, ostirala, poesia musikatu emanaldia eta antzerkia izango dira, Txarrantxa tabernan. 22:00etatik aurrera, Pobresiak, burgesaren gauerdiko eztula diskoa aurkeztuko dute bertan. Ondoren, Ane Arenas eta Erika Olaizola azpeitiar aktoreek Eguzkilore antzezlana taularatuko dute.
Bestalde, Azkoitia-Azpeitia bertso lehia izango da gaur Oñatz tabernan. Azkoitiarren eta azpeitiarren arteko bertso lehia 23:00etan hasiko da, eta Oier Etxeberria eta Iñigo Ibañez ariko dira Azpeitiko taldean, eta Asier Garate Txibilter eta Ugaitz Beristain Azkoitiko taldean. Gai-jartzailea Silvia Etxaniz izango da.