Bihar egingo dute Xeye Ateltismo Taldeak antolatu duen Diego Garciaren oroimenezko XXI. Azkoitia-Azpeitia maratoi erdia, eta puntako lasterkariak prest daude dagoeneko. Asteazkenean iritsi ziren lehenengoak, eta gaur, azkenak. Herria eta ibilbidea ezagutu dituzte, eta oso gustora daudela azpimarratu dute. Probaren atarian, bost korrikalari elkarrizketatu ditu Uztarria.com-ek: Joshep Ebuya, Emmauel Bett, Edwin Kipsang, Freddy Sittuk eta Bornes Jepkirui, hain zuzen.