Atzo, igandea, I. Maratoi Erdia jokatu zen Irunen. 484 lagunek bukatu zuten 21 kilometro pasatxoko lasterketa, eta Xabar Manzisidor azpeitiarra laugarren helmugaratu zen, 01:12:20 denbora eginda. Bere aurretik, hirugarrena, Jean Louis Pierrat frantziarra izan zen (01:07:39). Bigarren postua Youness Aithadi madrildarrak eskuratu zuen (01:07:27) eta Abdelhadi El Mouaziz granadarrak irabazi zuen lasterketa, eta 01:07:27 behar izan zuen proba bukatzeko.
Beste bi azpeitiarrek ere bukatu zuten proba. Gorka Malo 37. izan zen (01:21:42) eta Ignacio Gurrutxaga, berriz, 364. helmugaratu zen, 01:50:51 denborarekin. Lasterketako sailkapen osoa, hemen.