Itsasi kultur taldeak, Sahatsa dantza taldeak eta Ikasberriko dantza eskolak Azpeitiko Kultur Mahairekin eta Sanagustin Kulturgunearekin elkarlanean antolatutako Mutxikoak dantza saioen aurreneko denboraldia amaitu da. Atzo egin genuen azken saioa, Sanagustin Kulturgunean, 12:00etatik 13:30era arte.
Dantzara gerturatutakoekin, ikustera arrimatutakoekin, haurrekin, eta Izarraitzeko mendi lasterketa amaitu ostean etorri zirenekin, giro ederra sortu zen.
Ohituraz, urritik maiatzera egiten dira Dantza Jauziak Euskal Herrian, eta Azpeitian ere ohitura horretara egokitzea erabaki dugu. Beraz, denboraldia atzo amaitu zen, urrian berriz hasteko.