Maiatzaren 25ean egingo diren Europako hauteskundeak tarteko, hauteskunde kanpainako ekitaldia egingo du EH Bilduk Azpeitian. Maiatzaren 14a, asteazkena, izango da 19:00etan, Frontoi Txikian. Bertan, eskualdeko ordezkariez gain, Peio Urizar eta Maite Aristegi koalizioko kideak izango dira, eta ekitaldia bukatzean luntxa izango da.
Permachen hitzaldia asteartean
Datorren asteartean, maiatzaren 20an, Joseba Permachek solasaldia eskainiko du Troikaren politika eta bere ondorioak lelopean, Sanagustin kulturgunean, 19:00etan. Elkarrizketa formatuan izango da hitzaldia, eta Nekane Zinkunegi izango da elkarrizketatzailea.