Euskaraz hitz egiteko prest dauden herritarrak behar ditu Sanjuandegiko Mintzalagun proiektuak. Hizkuntza praktikatu nahi duten 20 lagunek eman dute izena egitasmoan; eta, haiek bideratzeko, euskaraz ondo moldatzen diren herritarren parte hartzea eskatu dute Elkar-ekin eta Xj Auzolanean elkarteek.
Ez dago irizpiderik egitasmoan parte hartzeko; izan ere, ez da beharrezkoa euskara ziurtagiririk izatea, ezta euskaraz alfabetatuta egotea ere. Parte hartu nahi dutenek hitzordua dute maiatzaren 21ean, asteazkenean, 18:00etan, Sanjuandegiko auzo elkartean. Joan ezin dutenek, berriz, honako telefono zenbakira deitu dezakete: 645 47 17 00.
Bestalde, oraindik ez dute itxi euskaraz mintzatzen ikasi nahi duten pertsonen zerrenda. Beraz, bat egiteko asmoa dutenek aukera dute maiatzaren 21ean, asteazkenean, 19:00etan lokalera joateko.