Territorial Development and Action Research liburua aurkeztu zuen atzo, asteazkena, Miren Larrea Orkestra Lehiakortasunerako Euskal Institutuko ikerlariak, James Karles lankidearekin batera. Donostian izan zen aurkezpena, eta bertan egon zen Jose Maria Guibert Deustuko Unibertsitateko azpeitiar errektorea, Gipuzkoako Foru Aldundiko ordezkariekin batera.
Larreak eta Karlsenek aztertu dute gizarte ikerketak zer garrantzi duen lurraldeen berrikuntzan etan garapenean. Horretarako, garrantzia eman die eragileen arteko harremanei, haien esanetan, "lurraldearen etorkizuna" eraikitzeko bide bakarra baitira "helburu beraren bila" lanean ari diren pertsonen ekintzak.
Aurkeztutako lanean jaso dituzte Arabako, Bizkaiko eta Gipuzkoako zenbait lurralde garapeneko prozesuetan izandako esperientziak. Liburua ingelesez aurkeztu dute, eta gaztelaniara itzultzen ari dira.