Azpeitiko eta Azkoitiko xakeko kirol klubetako bosna jokalarik erronka jokatuko dute igandean, ekainaren 22an, Sanagustipean, 11:30etik aurrera. Partidu motzak egingo dituzte parte-hartzaileek, bost minutukoak. Modu horretara, jokalari bakoitzak bost minutuko bost proba jokatuko ditu. Guztira, gutxi gorabehera, ordubetekoa izango da erronka.
Kirol taldeen asmoa da herritarrei xakeko modalitate desberdinak erakustea, eta jokalariak beste txapelketa batzuetarako prestatzea. Antolatzaileek jakinarazi dutenez, azkoitiarrak dira faboritoak, "esperientziagatik" eta "mailagatik".