Azpeitiko Udalak administrazio-kudeaketako postuetan aldi baterako beharrak betetzeko administrarien lan-poltsa osatzeko hautaketa prozesua jarri du abian. Hautaketan parte hartzeko izen-emate epea gaur, ekainaren 30a, hasiko da eta uztailaren 15ean amaituko da.
Udaletxeko harreran egin beharko da izen-ematea, eta eskariarekin batera honako dokumentazioa aurkeztu beharko da:
- Nortasun Agiriaren fotokopia.
- Deialdian parte hartzeko eskatutako tituluaren fotokopia konpultsatua.
- Hizkuntz eskakizunaren egiaztagiriaren fotokopia konpultsatua (edo baliokide den tituluarena).
- Merezimenduen lehiaketarako egiaztagirien fotokopiak.
Informazio gehiago, eskaera orria eta betebeharren zerrenda nahi duten herritarrek, udaletxean bertan edota hemen aurki dezakete.