Diego Garciari buruzko liburua aurkeztuko dute bihar, asteartea, 12:00etan, Sanagustin Kulturgunean. Aurkezpenean izango da lanean aritu den laukotea: Manuel Garcia, Diegoren anaia; Juan Mari Olaizoa, masajista; Xanti Perez, entrenatzailea, eta Txetxu Urbieta, kazetaria. Proiektuaren sustatzaileen hitzetan, "ohiko biografiak" alde batera utzi, eta "ingurukoen testigantzetan" oinarritutako istorioa osatu dute.
Horrela, 40-50 pertsona ingururen azalpenekin, 150 orrialdeko liburua osatzeko asmoa zutela adierazi zioten Uztarriari Urbietak eta Olaizolak, 2014ko urtarrileko zenbakirako egin zitzaien elkarrizketan.