Goizaldeko 03:00ak aldean sua piztu da Tecnaliak (garai bateko Cidemco) Azpeitian, Anardi industriagunean, duen lantegian. Sutea probak egiteko gunean izan da, eta ez da inor zauritu. Udaltzaingoek Uztarria.com-i azaldu diotenez, segurtasuneko langile batek kea ikusi duenean deitu du larrialdietara. Handik gutxira bertaratu dira Ertzaintza eta suhiltzaileak suaren tokira, eta 04:30ak aldean lortu dute sua itzaltzea.
Uztarria.com enpresarekin harremanetan jarri da, baina ez dute argibiderik eman.