Berrehun lagundik gora izan dira Sarralleren Sarcoil enpresan gertatutako lan istripua salatzeko gaur, osteguna, egin den elkarretaratzean. Azpeitian Bizi eta Lan taldeak antolatu du ekitaldia, eta EH Bilduk, LAB sindikatuak eta Elkar-ekin taldeak babestu dute. Plazan bildu diren herritarrek gertaera salatu dute eta babesa eskaini diote ospitalean dagoen langileari, Lan istripu gehiago ez! Lan baldintza duinak herritarrontzat lelopean.
Astearte arratsaldean jaso zen ezbeharra, Sarralleren Sarcoil enpresan. Gaztea larri egon da, baina zaurituaren familiak Uztarria.com-i azaldu dionez, haren osasun egoerak hobera egin du.