Joan den maiatzean eman zuen Azpeitiko Udalak 2014ko Joxe Takolo Beka. Irabazlea Valle del Rolwaling-Nepal: Drangnag Ri (6.804 m) eta Ripimo Shar Glacier proiektua izan zen, Jonatan Larrañaga getxoztarrarena. Larrañagak, Manu Cordovarekin eta Jordi Corominasekin espedizioa osatuta, beka jaso zuen proiektua gauzatzea lortu du udazkenean: 20 egunean 6.000 metroko bi tontor eskalatu eta 1.300 metroko bidea zabaldu dute horietako batean, estilo alpinoan.
Joan den abenduaren 2ko Berria-n Larrañagari Nepaletik bueltan egindako elkarrizketa argitaratu zuten. Horrekin batera, Aitor Unanue Lagun Onak Mendi Bazkunaren lehendakariaren iritzi artikulu hau ere atera zuten.