Azpeitiko Argazki Elkarteak barne mailako lehiaketa antolatu du 2014ko Santo Tomas egunerako; elkarteko bazkide direnek soilik izango dute parte hartzeko aukera, alegia.
Abenduaren 21eko festari lotutakoak baina gai librekoak izan daitezke argazkiak; hori bai, gai bera duten bi argazki ezingo dira aurkeztu. Bi modalitateko argazkiak onartuko dituzte, koloretan edota zuri-beltzean, eta modalitate horietako bakoitzean lehiakideek gehienez hiru argazki aurkeztu ahal izango dituzte.
Lanak abenduaren 29a baino lehen bidali beharko dituzte, formatu digitalean, argazkiakaae@hotmail.com helbidera. Guztira sei sari banatuko ditu Azpeitiko Argazki Elkarteak Santo Tomas 2014 lehiaketan, modalitate bakoitzeko hiru.
Hona hemen, lehiaketaren oinarriak.