Hamaika egun falta dira San Sebastian bezpera iristeko eta Azpeitia hasi da urteko lehen festa hitzordu nagusirako prestatzen. Horrela, besteak beste, Udalak gaur jakinarazi du aurten ere salgai jarri dituela etxeetako leiho eta balkoietan jartzeko sansebastianetako banderak, argazkikoa bezalakoak.
Herriko hiru saltokitan, Kolpekan, Belaetxen eta Agirren, erosi ahal izango dira banderak, 4,5 euroren truke. Urtarrilaren 19a arte izango dituzte salgai.