Pasa den larunbatean Gipuzkoako taldekako txapelketaren bigarren jardunaldia jokatu zuten Xaputarrak taldeko kideek Azpeitiko Sindikatu Zaharrean duten gunean. 16:00etan hasi ziren lehian, eta lau partida jokatu zituzten Aitor Priyak, Aitor Elustondok, Juan Carlos Fernandezek eta Daniel Veselinovek. 3 eta 1 emaitza lortu zuten azpeitiarrek Legazpiko Santikutz C tadearen aurka.
Legazpiarren taldea Asier Telleriak, Igor Santamariak, Unai Merinok eta Iñai Aranbarrik osatu zuten, eta azken horrek Daniel Veselinoven aurkako partidan lortu zuen taldearen puntu bakarra.
Datorren larunbatean Elgoibarren izango da azpeitiar taldea, hango taldearen kontra, nor baino nor. Elgoibarko taldea sailkapenean hirugarrena da, azpeitiarrek baino bi puntu gutxiagorekin.