Erakusketa berria jarri dute Betharrameko aretoan. Joan den ostiraletik martxoaren 1a arte, Arri Aginagalde zumaiarraren Flysch erakusketan bildutako margolanak ikus daitezke bertan. Izenburuak adierazten duen bezala, Zumaiako kostaldeko flysch-aren paisaiak dira nagusi pinturetan. Egur gainean margotutako 29 koadrok eta flysch-ean bertan jasotako harrien gaineko beste batzuk osatzen dute erakusketa.
Astelehenetik ostiralera 18:00etatik 20:00etara egongo da zabalik, eta asteburuetan 12:00etatik 14:00etara eta 18:00etatik 20:00etara.