Azpeitiko Udalbatzaren osoko bilkura egingo dute gaur, asteartea, udaletxeko areto nagusian, 19:30ean.
Honakoak dira gaurko plenoan landuko dituzten gaiak:
1.- Udalbatzak 2015eko martxoaren 3an eta martxoaren 31n egindako bilkuren aktak onartzea.
2.- Gipuzkoako Foru Aldundiaren eta Azpeitiko Udalaren arteko lankidetza hitzarmena, bizikleta eta oinezkoentzako Azpeitia-Urrestilla zatia (5.ibilbidea: Urola bailara 05 015F ZATIA) egin eta finantzatzeko.
3.- Gipuzkoako Foru Aldundiaren, Azpeitiko Udalaren eta Osakidetzaren arteko lankidetza hitzarmena, Giltzagune izeneko proiektua egiteko, trafiko mugatuko kaleetan larrialdietako zerbitzuek izan ditzaketen oztopoak kentzeko helburuarekin.
4.- Azpeitiko Udalaren eta Urola Erdiko Mankomunitatearen arteko hitzarmena jadanik egindako ekarpen guneen jasotzea, jabetza eta mantentze lanak zehazteko, eta proiektatuak dauden guneak sustatzeko, kontratatzeko, egiteko eta jasotzeko.
5.- Sansebastianetan egiten den helduen danborrada arautuko duen udal agintarau berria.
6.- Etxez etxeko laguntzarako zerbitzuaren udal-arautegia.
7.- Giza eskubideen urraketak eta beste sufrimenduak 1963-2013 izena duen fitxategia sortu eta dagokion erregistroan inskribatzea.
8.- Galdera eta erreguak