Ekainean egin izan den Azpeitiko, Azkoitiko eta Errezilgo gaztetxoen igeriketa txapelketa urrira atzeratu du Izarraitz Igeri Elkarteak. Ekainaren 13an ziren Eskolarteko Txapelketa egitekoak, baina urrira atzeratu dute, eta oraindik ez dute data berria zehaztu.
Izarraitz elkarteak 30 urte beteko ditu urrian, eta hainbat ekintza antolatzekoak direnez, txapelketa ere egitarauaren barruan sartu dute. Izan ere, txapelketari "formatu berria eman nahi" diote elkarteko kideek, eta hori izan da data atzeratzearen arrazoi nagusia.