Atzo, astelehena, ireki zuten Azpeitiko Ikastola Karmelo Etxegaraiko, Azpeitiko Ikastola Ikasberriko, Iraurgi Ikastetxeko eta Urola Ikastolako ikasleek material birziklatuarekin egindako eskulanen erakusketa. Lehen Hezkuntza eta Bigarren Hezkuntzako ikasleek egindako lanak dira guztiak eta Betherram aretoan egongo dira ikusgai gaurtik ostiralera bitartean, 18:00etatik 20:00etara.
Ez da ikastetxeetako ikasleek material birziklagarriarekin egindako eskulanen lehen erakusketa. 2012-2013 ikasturtetik ari dira lau ikastetxeak hondakinen gaia lantzen eta ikastetxeetako ordezkariek adierazi dutenez, "beste urteetan egindako erakusketak izandako arrakasta ikusirik" erabaki dute esperientzia errepikatzea.