Erabakitzeko eskubidearen aldeko Gure Esku Dago dinamikak ekainaren 21erako antolatu duen Erabakiak Ehuntzen ekitaldirako atzerakontua hasi da dagoeneko. Atzerakontu horren erakusle dira herriko zenbait txokotan, Sindikatu Zaharreko eta Enparan Dorretxeko balkoietan, jarri dituzten koloretako oihalak.
Azpeitian jada 815 lagunek egin dituzte ekarpenak oihaletan. Azpeitiko Gure Esku Dago dinamikak azaldu duenez, jasotakoak "ohial koloretsuak, ilusioz eta maitasunez egindakoak" dira. Dena den, oraindik aukera dago atxikimendua eman eta norbere oihal zatiak margotzeko. Horretarako, Gure Esku Dagok Foru Ibilbideko 7. zenbakian duen lokalera bertaratu behar da. Gainera,
ekainaren 21ean Donostiako Anoeta futbol zelaian egingo den ekitaldirako sarrerak ere salgai daude dagoeneko, eta bertan eskuratu daitezke.
Hemen, oihalak jarri dituzten bi eraikinetako irudiak.