Izarraitz pilotalekuak aizkolarien beste final bat hartuko du bihar, zapatua. Banakako XVIII. Eusko Label Txapelketa da bihar erabakiko dena eta hiru txapel izango dira jokoan, 18:30etik aurrera.
Aitzol Atutxa egungo txapelduna, Donato Larretxea eta Iñaki Azurmendi lehiatuko dira Urrezko Mailako txapel nagusiaren bila. Gazteen mailan, berriz, buruz buru ariko dira Eneko Otaño beizamarra eta Iker Vicente; 23 urtez azpiko aizkolariek hartzen dute parte maila horretan. Azkenik, gaztetxoen edo 19 urtez azpikoen mailan ere finala buruz buruko bat izango da, Julen Larrearen eta Joxean Etxeberriaren artekoa.