Alebinen Azpeitia Cup jokatu zuten joan den asteburuan, eta infantil nesken txapelketak hartuko du asteburu honetan Garmendipe. Bigarrenez jokatuko da infantil nesken txapelketa, eta 28 taldek hartuko dute parte lehian.
Zapatuan 09:00etan hasiko dira neurketak eta 20:30ak bitartean hainbat neurketaz gozatu ahal izango da Garmendipeko zelaietan. Igandean, berriz, 09:30ean hasita, sailkapeneko lehenengo postuak izango dira jokuan, eta 13:15ean hasiko da finala. Partida guztien ordutegiak, hemen.
Hurrengo taldeek hartuko dute parte txapelketan: Aloña Mendi, Amaika bat, Anaitasuna, Athletic, Aurrera Ondarroa, Aurrera Vitoria, Baskonia, Bergara, Berriotxoa, Elorrio, Ezkurdi, Goierri, Intxaurdi, Lagun Onak, Oiartzun, Ordizia, Pauldarrak A eta Pauldarrak B, Rayo Vallecano, Real Sociedad, Reocin, Tolosa A eta Tolosa B, Touring, Urola, Zarautz A eta Zarautz B, eta Zumaiako.
Iaz Athleticek irabazi zuen infantil nesken Azpeitia Cup txapelketa.