Joan den astean Iraurgi Saski Baloi taldeko infantil neskak, Eliku Dietetika ISB, Espainiako Txapelketa aritu dira Pontevedran (Galizia) eta, ikaragarrizko lehiaketa ona jokatu ondoren, bosgarren postua lortu dute. Sei partida jokatu dituzte Jose Luis Zubizarreta Xubi-k zuzendutako neskek eta bat bakarra galdu dute. Hala ere, zorte txarra izan dute gureek, final laurdenetan gerora Espainiako txapeldun bilakatu den Sant Adriarekin gurutzatu baitziren. Partida borrokatua jokatu arren, Eliku Dietetika ISBkoek ezin izan zieten katalanei irabazi eta, horren erruz, ezin izan dute dominengatik borrokatu. Azken partida Madrilgo Estudiantesen aurka jokatu zuten ISBkoek eta, 51 eta 48 irabazita, bosgarren postua eskuratu dute.
Denboraldi bikaina gure neskek burututakoa. Zorionak!
Emaitza guztiak:
Lehen fasea
ELIKU DIETETIKA ISB 78 - 42 HOTEL GRAN VIA CHAMPAGNAT A
COLEGIO ALAMEDA DE OSUNA 40 - 60 ELIKU DIETETIKA ISB
ELIKU DIETETIKA ISB 76 – 41 CB BURLADA A
Final zortzirenak
ELIKU DIETETIKA ISB 71 – 50 LA SALLE TRANS-ORION
Final laurdenak
ELIKU DIETETIKA ISB 46 – 61 SNATT'S FEMENI SANT ADRIA A
5. eta 6. postua
ELIKU DIETETIKA ISB 51 – 48 MOVISTAR ESTUDIANTES ´A´