Gaur, San Joan bezpera, festetako gaurik seinalatuena ospatuko dute beste behin Urrestillan. Gaur hasi eta ostiral gauera arte, sanjuanetako txanpa nagusian murgilduta ibiliko dira urrestildarrak (hemen, egitaraua). Eta, sanjuanekin lotura zuzenik ez izan arren, bada azken egunetan sare sozialen bidez zabaltzen ari den eta Urrestillari eskainita dagoen kanta berri bat ere. Urrestilla du izenburua eta ahotsa jarri diotenetako bat Amaia Aranaga urrestildarra da. Urrestillari eskainitako maitasun kanta honen egilea eta beste ahotsa, ordea, legazpiarra da, Iñaki Gurrutxaga Gurru (Barrunbadau eta Vancouver taldeetan aritzen da).