Aitor Zulaikak Real Union taldea entrenatzen jarraituko du datorren denboraldian, urtebetez luzatu baitio kontratua Irungo taldeak. Realak Real Unioni laguntzea erabaki zuen iaz, eta azpeitiarraren fitxaketa Realaren bitartez egin zen moduan, kontratua berritzerakoan ere tartean izan da Reala.
Iaz fitxatu zuen Zulaikak Real Unionekin, eta azpeitiarraren lehen denboraldian Espainiako Federazio Kopa irabazi zuen Irungo taldeak.