Bihar, ostirala, hasiko da Ehunmilak Euskal Herriko Ultratrail lasterketako seigarren edizioa. Beasainen hasiko da proba 18:00etan eta bertan amituko da igandean, 18:10 aldera. Aurreko urteetan bezala, aurten ere, probako parte hartzaileak Azpeititik pasatuko dira, ostiralean 23:25etik hasi eta zapatuan 07:15era aldera arte, antolatzaileen aurreikuspenen arabera.
272 korrikalarik eman dute izena eta 48 orduko epea izango dute helmugara iristeko. Lehen sailkatua 23 orduren bueltan ibiliko dela aurreikusten dute probaren antolatzaileek.
Ehunmilak ikustera joan nahi dutenentzat autobusak antolatu dituzte. Ostiralean Zumarraga-Azpeitia zerbitzu egongo da eta joateko bi autobus egongo dira: 22:30ean eta 00:00etan. Itzulerako autobusa 23:10ean izango da. Larunbatean, aldiz, Azpeitia-Tolosa-Beasain-Azpeitia zerbitzua egongo da eta joateko lau autobus zerbitzu egongo dira: 00:40, 02:55, 05:10 eta 07:25ean.