Joan den ostiral gaua eta igande goizaren artean igaro ziren Ehunmiliak kirol probako korrikalariak Azpeititik. 272 kirolari abiatu ziren ostiral arratsaldean Beasaindik (Gipuzkoa), eta zapatuan iritsi ziren lehenak helmugara. Imanol Aleson azkoitiarra izan zen aurrena. Lehen azpeitiarra, berriz, Joxe Luis Albizuri izan zen, eta sailkapen orokorrean 9. postuan helmugaratu zen (26:07:12).
Hamairu kilometro inguru egin zituzten korrikalariek Urola Kostako lurretan. Madariagatik Xoxotera egin zuten lehen zatia, eta Xoxotetik Azpeitiko kontroleraino Lagun Onak Mendi Bazkunako kideek egin dute boluntario lana. Azpeitian Alde Zaharretik igaro dira korrikalariak, 00:30ak inguruan, herritarrek txalo artean. Handik Arauntzara joan dira, eta Zestoako Agiro Mendi Elkarteko kideek lagundu diete Gazumeraino.
Probako parte hartzaileak Azpeititik igaro zireneko argazki gehiago ikusteko egin klik hemen. (Argazkia: Eneritz Albizu)