Gaur da Lagun Onakek Ulibarri Ganboara egingo duen ibilaldirako izena emateko azken eguna

Uztarria.eus 2015ko uzt. 16a, 11:08

Igandean, uztailak 19, Ulibarri Ganboara egingo dute ibilaldia, Lagun Onak Mendi Bazkunak antolatuta. Gaur, osteguna, da izena emateko azken eguna eta elkartearen tabernan edo webgunean eman behar da izena. 

Lagun Onak Mendi Bazkunak antolatuta, Ulibarri Ganboara (Araba) gaztetxoentzat irteera izango da igandean, hilak 19. Heldu zein gaztetxoentzat da irteera eta gaur da izena emateko azken eguna. Elkartearen tabernara joanda edota www.lagunonakmb.org webgunean eman daiteke izena. Bazkideek lau euro ordaindu beharko dituzte eta gainontzekoek sei euro. 

Goizeko 09:00etan irtengo dira plazatik eta autobusez joango dira Bolibar ingurura. Behin hara iritsita, Bolibar, Aitzorrotz-Leintz Gatzaga ibilbidea egingo dute, 7 kilometro ingurukoa. Bazkaldu ostean, piraguetan ibiliko dira ordubetez. Azpeitira itzurtzelo autobusa 18:00etan hartuko dute. 

Piraguan ibiltzeko 5 euro ordaindu beharko dute helduek nahiz gaztetxoek, eta piraguetan ibiltzeko ere izena eman behar da. 

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide