Markina-Xemeinen kontra jokatuko dituzte gaur azpeitiarrek Herriarteko itzuliko neurketak

Uztarria.eus 2015ko uzt. 17a, 14:01

Itzulerako neurketa jokatuko dute Azpeitiko Ilunpe elkarteko eta Markina-Xemeineko pilotariek, 19:00etan hasita. Joan den ostiraleran, 2 eta 1 irabazi zuten azpeitiarrek joaneko partida, Frontoi Txikin.

Euskal Herriko eskuzko Herriarteko finaleko txartela jokoan izango da gaur, ostirala, Markina-Xemeinen. Itzulerako neurketa jokatuko dute Azpeitiko Ilunpe elkarteko eta Markina-Xemeineko pilotariek, 19:00etan hasita. Gaurko partidan erabakiko da nor ariko den datorren zapatuko, hilaren 25eko, Euskal Herriko Herriarteko finalean, Iruñeko Labrit pilotalekuan.

Joan den ostiraleran, 2 eta 1 irabazi zuten azpeitiarrek joaneko partida, Frontoi Txikin. Gaurko partida hasi aurretik, 18 tantoko aldea dute Ilunpekoek. Kadeteek eta Seniorrek irabazi zuten joan den astean, eta jubeniletan markinarrak izan ziren garaile.

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide