Lagun Onak Mendi Bazkunak BTT irteera antolatu du datorren iganderako, hilak 13. Santa Agedara joan-etorria egingo dute parte-hartzaileek, 09:00etan kiroldegi aurretik abiatuta. Guztira 35 kilometroko itzulia egingo dute; Azpeititik Nuarbera, handik Santa Agedara, eta Potzumentatik bueltan Azpeitira itzuliko dira. Lagun Onakekoek azaldu dutenez, zailtasun ertaineko ibilbidea izango da eta teknikoki erraza.