Azpeitiko kiroldegia festaz jantziko da zapatuan, Endesa Ligako hiru euskal taldeetako biren arteko lagunartekoa hartzeko. RETAbet.es GBC eta Dominion Bilbao Basket ariko dira nor baino nor zapatuan, 18:30ean hasita. Partida horrekin, Donostiako GBC-k Iraurgirekin duen konpromisoa beteko du, urtero lagunarteko bat Azpeitian jokatzearena.
Sarreren prezioari dagokionez, helduenak 10 eurotan salduko dira, eta 5 eurotan gazteenak. Zapatuan bertan kiroldegiko txarteldegian izango dira salgai.
Gainera, klubak bi lagunentzako afaria zozkatuko du Getariako Txoko jatetxean. Zozketarako txartelak kiroldegiko sarreran egongo dira salgai.
Denok gozatzera!