1965ean sortu zuten Urola bailaran aurreneko ikastola, Azpeitikoa. 50 urte bete dira aurten sorrera hartatik, eta Azpeitiko Ikastola Karmelo Etxegaraik eta Urola Ikastolak 2015-2016 ikasturte osoa hartu dute ospakizunetarako.
Bihar, ostirala, aurkeztuko dute prestatu duten egitarau zabala, aurkezpen ekitaldi horrekin abiatuko dena; Sanagustin kulturgunean egingo dute, 19:00etan. Bihartik hasita ekaina bitartean, hilero izango dute festa giroko hitzorduren bat. Jon Artano aurkezle lanetan dela, ospakizunen egitarauaren berri emateaz gain, ikastolaren kantu berria ere aurkeztuko dute Sanagustinen.