Joan den zapatuan jokatu zen Euskal Herriko 39. Dantza Txapelketa, Seguran (Gipuzkoa). 18:00etan hasita, 14 bikote aritu ziren dantzan; horietatik lau bikote ziren azpeitiarrak osatutakoak. Asier Ibargurenek eta Garazi Gurrutxagak, Mikel Subinasek eta Maite Beobidek, Jon Ander Iriondok eta Libe Lizasok zein Amets Amubietak eta Larraitz Larrañagak hartu zuten parte, eta sari nagusirik eskuratu ez bazuten ere, Jantzi Onenaren saria jaso zuten Asier Ibargurenek eta Garazi Gurrutxagak.
Iaz Euskal Herriko Dantza Txapelketa Amets Amubieta eta Maialen Aldalur azpeitiarrek irabazi zuten.