Hilaren 21ean, zapatua, hasi ziren Urola Erdiko Energia Jardunaldiak. Azpeitiko, Azkoitiko, Zestoako, Beizamako eta Errezilgo udalek, Ingurugiro Fundazioak, Urkomek, Elkar-Ekinek, Piztu lantaldeak eta Iraurgi Berritzenek antolatu dituzte jardunaldiok energiaren gaia gizarteratzeko asmoarekin, eta iritsi dira azken txanpara. Izan ere, gaur, asteazkena, Azpeitiko eta Zestoako gaztetxeetan Oligopolyoff filma emango dute, 19:00etan hasita.
Herenegun, astelehena, Eredu energetiko berriak solasaldia izan zen Sanagustin kulturgunean. Aitor Urresti, Olatz Azurza eta Xabier Azurza izan ziren hizlariak eta Jokin Aldazabalek egin zituen moderatzaile lanak. 30 herritar inguru bildu ziren hitzaldian. Hemen, solasaldiko argazkiak.