Abenduaren 13an, Zumarragako Santa Luzi feria dela eta, igandeetako ohiko autobus zerbitzuak indartu egingo dituzte. Ibilbide eta geltoki aldaketak ere egongo dira.
Zumaiatik Zumarragako noranzkoan, irteerak orduero izango dira, 06:45ean hasi eta 20:45era arte. Zumarragan autobusa Okendoko sarreran, Argixaon eta ospitalean geldituko da.
Ospitaletik Zumaiarako noranzkoan ere irteerak orduero izango dira, 08:10ean hasi eta 22:10era arte. Kasu honetan, Zumarragan geltokiak ospitalean, Argixaon eta Renfen izango dira, eta Elizalde nahiz San Gregorio geltokietan ez du geldialdirik egingo autobusak.