Otsailaren 28an, jokatuko den Binakako Urrezko Aizkolari Txapelketako finalerako sarrerak zozkatuko ditu Udalak. Aitzol Atutxa II eta Ugaitz mugertza II, Laurence O´toole eta Iker Vicente eta Jon Rekondo eta Ruben Saralegi lehiatuko dira finalean. Norgehiagoka Izarraitz Pilotalekuan izango da, 12:00etan hasita.
Azpeitiko Udala txapelketako antolatzaileetako bat da eta bi sarrera bikoitz zozkatuko ditu finalerako. Zozketan parte hartu nahi dutenek, gaurtik otsailaren 22ra bitartean eman beharko dute izena, udaletxean edota udalzozketak@azpeitia.eus helbidera idatzita. Izen abizenak eta telefono zenbaki bat eman beharko dute zozketan partu nahi duten herritarrek, sarituaz izanez gero eurekin harremanetan jartzeko. Zozketa udaletxeko pleno aretoan egingo da hilaren 23an, 12:00etan, eta edonor azaldu daiteke bertara.