Spotlight eta Zootropolis filmak izango dira ikusgai zapatutik astelehenera bitartean, Soreasu antzokian. Zapatuan Spotlight emango dute, 22:00etan hasita. Igandean, berriz, gaztetxoentzat Zootropolis eskainiko dute 16:30ean. 19:30etik aurrera, aldiz, Spotlight emango dute. Astelehenean, ikusleen egunean, 21:30etik aurrera Spotlight eskainiko dute.
Spotlight 2015ean AEBetan egindako filma da. Thomas McCarthy da zuzendaria. Kazetaritza, erlijioa eta elizak adin txikikoei egindako sexu gehiegikeriak ditu hizpide filmak.