180 kiloko errektanguloari bi altxaldi eta 113 kiloko kubikoari hiru altxaldi emanda, euren marka pertsonalak ezarri dituzte Martin Mendizabalek eta Elias Perezek, hurrenez hurren, Hartu Trena Egunaren barruan eguerdi partean plazan izan den herri kirol festan. Eguzkiak plazan gogor jo badu ere, ikusle asko elkartu dira herri kirolen saioa ikustera. Marka ahaleginak itzaletan egin dituzte, hori bai, harri-jasotzaileek. Gerora denak ibili dira eguzki galdatan, taldekako lehian parte hartzeko.