Atzo, igandea, II. Kros solidarioa izan zen Sanjuandegin, Khamar Sahararen aldeko taldeak, Xeye atletismo taldeak, Azpeitiko Kooperazio Taldeak, XJ Auzolaneanek eta Azpeitiko Udalak antolatuta. Aurtengoan, Saharako umeen alde eta Tindufeko errefuxiatu kanpamenduetan duela hilabete gutxi izandako uholdeetako ezbeharrei laguntzeko antolatu zuten lasterketa, eta 120 haur eta gaztetxok hartu zuten parte proban.