Uztailaren 24an izango da aurtengo Ume Eguna, eta gaur, hilak 14, zabalduko da bertan parte hartzeko izen-ematea. 2004tik 2012ra bitartean (bi urteak barne) jaiotako haur eta gaztetxoek eman beharko dute izena Haujijijaik plazan jarriko duen mahaitxoan, 11:00etatik 13:00etara eta 17:00etatik 19:00etara bitartean.
Bihar, ostirala, ere izango da izena emateko aukera, ordu eta leku berean. Hurrengo astelehenean, uztailaren 18an, ere egongo da izena emateko aukera, 11:00etatik 13:00etara eta 17:00etatik 19:00etara bitartean, plazan.
Izena emateko mahaian egongo dira Ume Egunean parte hartzeko bete beharreko orriak. Argazki bat eramatea eskertuko da, eta izen ematea 4 euro ordaindu beharko da umeko, kamiseta eta bazkariaren gastuak ordaintzeko. Haurrek kamisetak aurrerago jasoko dituzte, ez izena ematerakoan.
Ume eguneko egitaraua:
14:00etan elkartu eta bazkaldu:
- 2012an, 2011an eta 2010an jaiotakoak plazan (Lokotx taberna inguruan)
- 2009an, 2008an, 2007an, 2006an, 2005ean eta 2004an jaiotakoak azoka plaza atzean.
Ondoren, jolasak, kalejira eta merienda izango dira. 17:30ean gurasoek haurrak jasotzera joan beharko dute plazara. Bestalde, arropa hautatzerakoan gogoratu umeak zikindu eta busti egingo direla.
Haujijijaik asko eskertuko du gurasoen laguntza egunean bertan.