Juan Antxieta Musika Eskolak eta Udalak hitzarmena sinatu dute gaur, bi erakundeen arteko funtzioak arautzeko asmoz. Eneko Etxeberria alkatea, Leire Goenaga hezkuntza batzordeburua eta Mari Jose Bikendi musika eskolako zuzendaria bildu dira udaletxean, hitzarmena adosteko asmoz.
Hitzarmen horretan, Azpeitiko musika bandaren antolaketa, prestakuntza eta ekitaldien nondik norakoak eta betebeharrak zehaztu dituzte bi erakundeek.