Azpeitian elkartu dira gaur, igandea, Urola Erdiko Atzegiko dozenaka kide, tartean, Atzegiko erabiltzaileak, horien senideak, lagunak eta boluntarioak. Bi urtean behin egiten duten bazkaria tarteko, 12:30ean zuten jarrita hitzordua plazan. Behin guztiak elkartu direnean trikiti eta pandero doinuak lagun triki poteoa egin dute Azpeitiko kaleetan zehar. 14:00etan, berriz, bazkaltzeko tartea hartu dute Sanagustin kulturgunean, eta ondoren dantzaldia egin dute.