San Martin egoitzako Astea abian da

Gaur, astelehena, hasi dira San Martin Astea ospatzen herriko adinekoen egoitzan. Urtero legez, azaroaren 11ko (datorren ostirala) San Martin egunaren bueltan egitarau zabala prestatu dute. Eneko Etxeberria alkatea buru izan duen udal ordezkaritzaren eskutik inauguratu dute astea, goizean, Iraurgi Ikastetxeko ikasleek ere parte hartu duten ekitaldian (argazkietan). Lehen jardunaldia osatzeko, berriz, Amaia Garmendiaren gitarra taldearen emanaldiaz gozatzeko aukera izan dute egoiliar, langilke, senide eta lagunek arratsaldean.

Zapatura arte, hilak 12, egunero izango dute ekitaldi bereziren bat edo gehiago San Martin egoitzan. Hau da bihartik aurrerako prestatua duten egitaraua:

Azaroak 8, asteartea

• 11:00. Iraurgi Ikastetxeko haurren emanaldia.
• 16:45. Bertso saioa, Adin-Adin programaren barruan, Beñat Lizasorekin eta Juan Joxe Eizmendi Loidisaletxe-rekin.

Azaroak 9, asteazkena

• 11:00. Karta txapelketa.
• 16:00. Txokolatada, boluntarioekin.
• 17:00. Bingo berezia, boluntarioen eskutik.

Azaroak 10, osteguna

• 10:45. Nagusilaneko Jose Maria Soroarekin kantaldia.
• 16:45. Hitzaldia: Boluntarioen garrantzia egoitzetan. Hizlaria: Ana Fernandez, psikologoa.

Azaroak 11, ostirala. San Martin eguna

• 10:30. San Martin eguneko meza nagusia.
• 17:30. Juan Antxieta Musika Eskolako ikasleen emanaldia.

Azaroak 12, zapatua. Familien eguna

• 12:15. Aretoko dantzak, Jose Mari Orbegozoren ikasleen eskutik.
• 14:00. Familiekin bazkaria.
• 17:00. Poxpi eta Lajarekin erromeria.

(Argazkiak: Azpeitiko Udala)