IX. Euskal Presoak Euskal Harrietara boulder txapelketa herrikoia izango da bihar, azaroak 19, Azpeitiko Gaztetxean.
Aurreko edizioetan bezala, zailtasunaren arabera hiru maila ezberdin izango dira txapelketan: herrikoiak A, herrikoiak B eta Sateliteak. Herrikoiak A mailako parte-hartzaileek 10:00etan eman beharko dute izena gaztetxean bertan, eta txapelketa 11:00etatik 13:00etara jokatuko dute. Hori izango da mailarik errazena.
Herrikoiak B mailakoek 14:00etan eman beharko dute txapelketan parte hartzeko izena, eta 15:00etatik 17:00etara bitartean jokatuko dute txapelketa.
Satelite mailakoen (mailarik gogorrena), txanda 17:30etik 18:30era izango da. Horiek ere aurrez eman beharko dute izena, 16:30etik aurrera.
Izen-ematea 10 euro ordaindu beharko da, eta parte-hartzaileek kamiseta bana jasoko dute.