Ion Etxeberriak Binakako Erremonte Txapelketako finala jokatuko du zapatuan

Ion Etxeberria erremontista azpeitiarrak 46. Binakako Erremonte Txapelketaren finala jokatuko du datorren zapatuan, abenduaren 17an, Hernaniko Galarreta pilotalekuan. Ezkurra II.arekin arituko da Etxeberria, eta Uterga eta Endika izango dituzte aurrez aurre.

Joan den zapatuan lortu zuten finalerako txartela Etxeberriak eta Ezkurra II.ak Urriza eta Zubiriren aurka jokatutako partidan. 32 puntu behar zituen azpeitiarrak finalera sailkatzeko. 40-39 amaitu zen norgehiagoka, baina partida galdu izanagatik ere finalerako sailkatu ziren Etxeberria eta Ezkurra II.a. 

Ez da binakako txapelketako lehen finala azpeitiarrarentzat. Izan ere, 2011n, 2013an eta 2014an irabazi zituen txapelketak Etxeberriak. Iaz finalera iritsi zen, baina ezin izan zuen txapela eraman. 

Iazko urtarrilean Uztarria.eus-eko elkarrizketa digitalean izan zen erremontista azpeitiarra, irakurleen galderei erantzuten.