Iaz bezala, aurten ere txapelik gabe gelditu da Ion Etxeberria azpeitiarra Binakako Erremonte Txapelketan. Ezkurra II.a aurrelari bikotelagunarekin, 40-30 galdu du Etxeberriak Uterga eta Endikaren kontra, gaur arratsaldean Hernaniko Galarreta frontoian jokatu den finalean.
2011tik 2016ra, bost aldiz jokatu du binakakoaren finala Ionek; azken bietan galtzaile izan arren, aurreko hiruetan txapela jantzi zuen: 2011n, 2013an eta 2014an.